السلام عليكم
يسعد صباحكم - مسائكم حسب توقيتكم
هذه مقتطفات شعرية من قصائدي المتواضعه بالإضافة لبعض شذرات الخواطر حبيت اجمعها بصفحه واحد
اتمنى ان تنال على استحسانكم
ياشينها لاصار فرحـك يتيـم
تدور البسمة وهي لك بعيـده
هم ونكد يحتوي قلبك الضيـم
وتعايش الدمعه بروحاً زهيده
يقطعك وقتاً في حياتي لزيـم
عيى الفرح ياعـرب لايعيـده
احاول انسا ماجرا وارجع اهيم
كني سجيناً قطع الكف قيـده
عزاه يانبع الغلا صافي الغيـم
وين انت يامن لقلبي عضيده
*
*
*
آآآآآهـ ياقلباً حرقني بنارهـ ..،
وآآآآآهـ ياجرحاً نزف من وريده ..،
أسألك باللي خلق خلقه بإشارهـ ..،
وسوى لهم سبع السموات الفريده ..،
.
.
.
ياترى هل هي نهاية وقتنا اللي قضيناهـ ..،
ولا تبين بداخل القلب يلهب سعيره ..،،
مادري وش اللي صار رغم الغياب .::.
ورغم اني لشوفتك أطلب جديده ….
ليتني ماشفتكـ .. ولا بدربي عرفتكـ ..،،
وليتني لما لقيتكـ … على الجفا صديتكـ … ،
كنت اقول الحب منكمـ … والهنا كله بيديكمـ ..،،
كنت اشوفك شمس تشرق بالأفراح …،،
وكنت اشوفك غيمةً للمطر وقعها لااح ..،،
مادريت انك عنيدهـ .. لا وربي اكثر من عنيدهـ ..،،
ياخسارة قلبي اللي بوصالهـ هديته … وياخسارة كلمتي لك ياحبيبه …،،،
صدقيني رغم جرحك العميق اللي خذيته …،،
ورغم قسوة هالزمان اللي عطاني لهيبهـ …،،
راح تبقين بحياتي وبأوردة قلبي حبيبهـ …،،
وراح تبقيين بعيوني خاينه وأكبر مكيدهـ ..،،
.
.
.
ياجنون الحرف .. ياعشق الغرام ،،
يارياح الشوق … يانبض الحمام ،،،
انثريني بين اياديك … واطويني بسلام ،،
واعزفيني ناي … بأوتار الغرام ،،
دلليني ياهوى عمري … ويامسك الختام ،،،
ياحنايا الخافق اللي بك على حد هيام …
وياحلم بحياتي على هاك المنام ،،ـ
اعلني للشوق رحلة … وبددي هذا الظلام ،،،
ياحبيبه ياحبيبه ياحبيبه … انتي للحب بعيوني احلى مدينه ،،
جيتلك باقصى حنايا قلبي اللي مارتويته ،،،
علها تكفي النظره من عطش عمراً شقيته ،،،
وياحبيه ياحبيبه ياحبيبه …
ياشموخ القاف ياعطر الشذى ،،
يالهيب الوقت .. ياحسن الجمال ،،،
ليتني احضى على هاك الدلال ،،،
دلعيني .. بدديني … ثم ازرعي قلبي وشام ،،،
وياحبيبه ياحبيبه ياحبيبه
تغنت في جمال الحسن حلا كل الدلع فيهـا
ورددت انا معهـا عـذاب بقلبـي الوانـه
الا ياليتني معهـا بروحـي دووم أسليهـا
امتع ناضري لحظة يمـر الطيـف هتانـه
جميل الحسن يضوي ويختال النظر ليهـا
وغنت من ينابيع الحسن يادانـه ويادانـه
رهيف الخصر يجذب يلاعب شعره ايديهـا
ومنطوق الحسن بسمة الا ياويـل خلانـه
وفي جسمها لمعه تهادت مـع مماشيهـا
على طول الطريق الصعب ضيعنا به اوزانه
انا قصتي قصـة ودمعـي كيـف اداريهـا
عذابً حرك شجوني يبـي لمـة احضانـه
سبايب صورتً خلت عيوني دوم ترجيهـا
وزاد القسا حرفاً يضخـه حيـل شريانـه
عسى ربي يجملهـا مـن اولهـا لتاليهـا
واغادر نظرة الزين بروحاً حيـل رضيانـه
ابقفل عيني اليسرى لجل تستـر معانيهـا
واطوع عيني اليمنى جميل الـود احسانـه
*
*
*
يازين بنت شفتها اليوم ياسعـود
تدعي شجاع القلب بالحب هايـم
لحظة نظرته اصبح الفكر مشدود
فيها جمال الكـون والعـز قايـم
شكله صغير ويمكن اخر العنقـود
كان ماضني بـه عثـرت نسايـم
الخشم سل سيف والشعر ممـدود
والخصر ناحل على الجنـز لايـم
لامن حكى بسكر شفـاه معقـود
ينثر درر صافي تقل سرب حايـم
وقف وبيده صافي الذهب مصفود
عزي لحال بهـا الشـوق ضايـم
عز الله ان الجسم صار مصيـود
كنه اللي يشتكي مـن داء لايـم
ياويل حالي من طنا الوقت ياسعود
خلت بتالي العقـل هبـال عايـم
عزي لحالي من نظر فيه منقـود
الجسم ناحل به الهوجاس رايـم
يامحلا السجة عقب ردة الموعود
تسعد الخاطر ماهي حلـوم نايـم
*
*
*
سلام الله على من رسم للشـوق بعيونـه
سلام مغلفن بالـورد والنرجـس بطياتـه
سلام الله لعرب حبنا عدد ماهاضت شجونه
وعدد ماغرد القمـري ورفـت جناحاتـه
انت الوفى يـوم الوفـى فيـك مفتونـه
وانت الحلا بالذوق حايـز علـى صفاتـه
جيتك وله جيتك فرح جيتك الحب بمزونـه
جيتك شعاع الشمـس وبالعشـق ذراتـه
*
*
*
جيت للمنتدى وكلي هموم(ن) تجول
حامل جروحي بصدري اداري ونتي
جيت والخاطر اللي غدى كله حمول
ياعسى القى لهمي بداية فرحتي
كفيت يامن لضيقتي جاب الحلول
ووفيت يا امير السعد ياعزوتي
*
*
*
الله على وقتاً مضى قبل شهرين
قبل النذل يرمي سمومه علينا
جانا وعلى غر الاطعاس هاوين
نطلب رضا اللي بالوفا يحترينا
اسس بفكره بين الاحباب دربين
يستغفل افكارنا وبالنصب يحتوينا
رسخ قواعد لعبتن بالخفا ماتبين
انتهز فرصة شموخ الطيب فينا
*
*
*
عشت بمرحله كلها غرابه
متغيره مابين السعاده والكآبه
جيت وحلمي اللي سرابه
مابين واشي وبين ناس كذابه
ناقل همومي نقل منهو غدابه
ماغير اجمع ماتبقى من زهابه
ونيت كما اللي مضيع أحبابه
ونة مريضن مالقوا له طبابه
وجهت وجهي لمنهو نزل كتابه
الواحد المعبود منشي السحابه
تشفي هموم القلب واللي مصابه
وتشرح خافي الروح من ماجرابه
*
*
*
ياسعود قلبي من هوا الزين منصاب
واصبح يتيم الحال من عقب خلـه
الا ياليت لي في هوا الغالي أطباب
والله لداوي القلب مـن كـل علـه
مير البلا منهو على وصله ارتـاب
وضيع سنين الحب بأسبـاب زلـه
هذي نهاية اللي ماحسبله احسـاب
عقب السعد يامير ودع الحب كلـه
اليوم :
الاثنين
التاريخ : 20/10/1429هـ
الوقت : الساعهـ الرابعه والنصف عصراً
المكان : بين ثنايا عرب حب
الموضوع : رسالهـ عاجلهـ
تذكرت المكان اللي جلسنا به أعوام
وتذكرت عشقاً في حياتي أسيـره
ليت الزمان اللي مضى كنه احـلام
يرجع مثـل اول واعانـق عبيـره
مادري من المشتاق حـد الهيـام
ومادري من اللي عاندته المسيـره
لاشك أسهر طيلـة الليـل مانـام
ولاشك حالي عقب فرقاك مستعيره
يامن يلـم الغـلا لحظـة حطـام
ومنهـو يكـون لغرامـي سفيـره
قولوا لها محكـوم حـد الإعـدام
وهذي نهاية من يفـارق عشيـره
بــدم عابر الشوق
ـــــــــــــــــــــــــــــــــــــــــــــــــــــــــ
التصنيفات : غير مصنف |
أرسل الإدراج
|
دوّن الإدراج
يناير 19th, 2009 at 19 يناير 2009 3:00 ص
ياااسلام ابدااااااع
على الجرح
يناير 19th, 2009 at 19 يناير 2009 7:20 ص
المطيري:
يسعد صباحك ياغالي
والابداع هو مرورك العطر
وتواجدك العبق
شكرا من القلب على هذه الزيارة المتواضعه